PLE (Personal Learning Environment)
1. Qué é un PLE?
Proceso informal (non hai prazos, programa nin exames) de aprendizaxe que se desenvolve ao longo da traxectoria profesional.
Hoxe en día, con internet, temos acceso a unha serie de recursos, ferramentas e mesmo contacto con outros profesionais cos que construír o noso coñecemento, a nosa aprendizaxe.
Ao ser unha aprendizaxe informal, debemos ser nos mesmos os que filtremos que contidos e que recursos ou ferramentas son interesantes para o noso desenvolvemento profesional.
Co PLE podemos:
- Aprender dos artigos e outras publicacións
- Publicar contidos
- Contactar con outros profesionais.
As características principais do PLE son, por tanto:
- Fixamos os nosos obxectivos en función dos nosos intereses.
- Facilita a xestión da aprendizaxe, tanto no que se refire a contidos como a procesos.
- Xera vías de comunicación con outros profesionais.
2. Así está o meu PLE:
Como se pode ver na imaxe anterior, polo momento, utilizo poucos recursos. A medida que siga coa aprendizaxe, estes irán aumentando.
3. Expansión do meu PLE:
Co fin de evitar a infoxicación , podemos (e debemos) utilizar os lectores de RSS, ferramenta útil para manterse informado das novas e webs que nos resulten de interese almacenando toda a información nun só espazo que se actualiza automaticamente sen necesidade de estar constantemente consultando esas webs. Isto vainos permitir aforrar moito tempo.
Unha desas ferramentas:
Outras ferramentas:
Scoop.it: Permítenos compartir contido que aparece na rede a partir da "curación de contidos", é dicir, escoller e tratar aquilo que realmente sexa de interese. Con esta ferramenta podemos, por exemplo:- Mostrar contidos sobre un tema determinado
- Dispoñer da mesma información de diferentes fontes e poder comparala
Diigo: Permítenos gardar on-line todas as direccións dos nosos sitios favoritos mediante un sistema de etiquetas que nos facilite a súa localización. Con Diigo podemos:
- Ter as nosas notas, marcadores, etc dispoñibles en calquera terminal e non só no noso ordenador.
- Subraiar o máis interesante dos artigos e engadir notas.
Wakelet: Permite gardar arquivos, vídeos, tweets, podcasts...para usar máis adiante. Podemos organizar e conservar o contido en coleccións similares a historias chamadas wakes
Pinterest: Permite crear coleccións de imaxes clasificándoas por categorías. Podemos compartilas con outros usuarios cos nosos mesmos intereses.
Déixovos un video sobre o PLE:
Ana Varela Orjales
Comentarios
Publicar un comentario